يالا يا شعراء ريح بالك ورونا الشطارة ..انا ح اقول وانت كمان

الفكرة ..........
بيت شعر يتقال من العبد لله تكملوه ورايا
كل واحد له بيت واحد لكن متاح ليه الاشتراك اكتر من مرة

توكلنا على الله................

الاولة اه
والتانية اه
والتالتة اه
الاولة قالوا فراعنة في الدنيا ع العباد طاغيين
والتانية قبط جوة السنين مساكين
والتالتة عرب كان مجدهم ف الدين
ضاع العرب
ولا العروبة فين؟؟

الرد يكون زي كدا او اللي ييجي علي بالك

الأولة اه
والتانية اه
والتالتة اه

الأولة اه يا ألم وياصبر أيوب
والتانية اه وقالوا القلم بيغيّر المكتوب
والتالتة اه م الجسد كل يوم ف حروب
شد حيلك يا ولد
واياك تبات مغلوب

يالا نبتدي

يا صبر ايوب على بلد محكومة بالجزمة وقالها عمنا الأقرع
والقلم بيغير المكتوب اصله مالوش لازمة وسنه ف قلبى بيقطّع
و الجسد كل يوم في حروب بيحس بالازمة وكان نفسى أكون أشجع
شديت حيلي انقطع
ما ارادتي مش حازمة وكل يوم باركع