نكت على السادة المشرفين

عفوا ممنوع دخول المشرفيين بقرار اداري

معا الي المرح والابتسامه
مع المشرفيين بس يارب ما انطردش من المنتدى
أنا بس طالب منكم خدمه
لو اتطرد من المنتدى تعملوا مسيرة ومظاهرة وتضغطو عليهم يرجعونى تانى

1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قسم التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه تانى

6 - مشرف خلف توأم إحتفظ بواحد والتانى حطه فى قسم المكرر

7 - مشرف جاتله فاتورة التليفون كبيرة عملها تعديل
- زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ

16- مشرف دخل قسم المرأة طلع منها بست اشهر

17 - مشرف دخل قسم القضايا السياسية قبضوا عليه فى مظاهرة
- مشرف إختلف مع المشرف عام نقلة مشرف على قسم المواضيع المكررة
19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه

20 - مشرف مردش على الموضوع ده اختفى فى ظروف غامضة



يارب يعجبوكم وأمانه عليكم ماحدش يبعنى لو انطردت