شوية نكت جامدة

مصاصه الخميس مارس 15, 2007 4:56 pm

مرة بيختبروا ذكاء بعض الصعايدة قالولهم الاهلى جاب 2/1 الزمالك يبقى مين اللى كسب قالوا الاهلى
سالوا تانى طيب مصر واسرائيل مين اللى كسب قالوا مصر قالوا ما أنتوا اذكية اهو طيب تستنتجوا من كده ايه قالوا الاهلى ومصر هيلعبوا على النهائى

***************************
مرة واحدة عجوزة اتكسرت رجيلها الدكتور قالها متنزليش من على السلم لمدة40 يوم بس
عدى الاربعين يوم وراحت للدكتور قالتله اقدر امشى بقى قالها اه قالتله الحمد لله عشان انا تعبت من كتر النزول من على المواسير

****************************
واحد دخل على بقال قاله عندك شوكلاته قاله اه قالو وبونبونى قاله اه ومصاصة قاله اه قاله يبختك

**************************
مرة واحد دخل على البياع قاله عندك ايس كريم بالكوسة قاله لا
تانى يوم قاله عندك ايس كريم بالكوسة قاله لا
تالت يوم قاله عندك ايس كريم بالكوسة قاله اه راح قايله يع

**************************

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين

************************
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

**********************

واحد مشغول اتجوز واحدة مشغولة خلفوا ...عيل مش فاضيلهم

*********************